بدي أحكيلكم شوي عن بعض المدرسين في مدرستي
90% من المدرسين مصريين
و10% سعوديين
نبدأ :
في مدرس لغة عربية سعودي دوبو متخرج
أجا عنا وكنا أول فصل بدرسه
أول ما دخل
صار يهزئ فينا
ويحكيلنا أنه طلاب اليوم حمير
وايامه كانوا يدرسو ويتعبو
وعشان يوضحلنا كلامه
صار يحكيلنا:
الشاطر فيكم يكتبلي كلمة " اللبن " على السبورة
كل الفصل ضحك
وطلع ولد وكتبها صح "اللبن"
بس الاستاز ما عجبه
وصار يحكيلنا يا حمير الكلمة بتنكتب هيك "البن"
لام + لام بصيرو لام وحدة
بالادغام وبنحط شدة
وصار يخبص كلام
ما صدقنا خلصت الحصة ورحنا اشتكينا عليه
يومين وطار ............ قال البن هع
------------------------
------------------------
في مدرس كان يدرسنا تربية اسلامية
حصته كلها لعب
المدرس قصير ونحيف
وما عنده شخصية
وفيوم من الأيام قلنا خلص
لازم نروح نشتكي عليه >>> بدنا ندرس هع
رحت أنا وحوالي 15 ولد اشتكينا للمدير
بعد يوم
أجا هذا المدرس على الفصل وحكالنا :
"أنا عارف أنكم اشتكيته علي
بس حكون احسن منكم وأسامحكم"
في أحسن من هيك ؟؟
طبعاً يومين وطار ....... مسكين حزننا
-----------------------------
------------------------------
في عنا مدرس عملاق
ضخم
والكل بخاف منه
وما حد بمزح معه
فمرة وهو بيكتب على السبورة
ولد حب يضحك الأولاد
طلع مطاط و ورقة
وصار يأشر على الاستاذ
كأنه حيرميها عليه
الفصل ضحك
والاستاذ لف وجهه وشاف الولد
الولد من الخوف ما قدر يمسك حاله
وساب الورقة
أجت بنص وجه الاستاذ
مسكين هالولد
أخد علقة مرتبة من الاستاذ
بعدين من المدير
واستدعاء ولي امر
-----------------------
_______________
هاي من مدرستي
ولو بدي احكي على مدرسينا ما حخلص
سلام